ინგრედიენტები:

ცომი

450 გ ფქვილი

300გ კარაქი

180 გ არაჟანი

კრემი

1200გ რძე

200გ შაქარი

20გ ვანილი

150გ კარაქი

120გ ფქვილი

50გ სიმინდის სახამებელი

2 კვერცხი + 3 კვერცხის გული

შაქრის ფანტელი მოსაფრქვევად

500გ მარწყვი

მომზადების წესი:

ფქვილს დაუმატე ცივი გახეხილი კარაქი, არაჟანი და მოზილე ცომი. გაყავი 2 ნაწილად, მოათავსე პარკში და დაასვენე მაცივარში 40 წუთით.

კვერცხის გულები და მთლიანი კვერცხი მოათავსე ქვაბში, დაუმატე შაქარი, ვანილი, ფქვილი, სახამებელი და რძის ნაწილი.

რძე გაათბე, ნაწილი დაუმატე კვერცხთან რომ გაიხსნას კვერცხი და შაქარი.  კვერცხიანი მასა ჩაასხი თბილ რძესთან (გადაატარე საწურზე) და დადგი დაბალ ცეცხლზე.

ბუშტებს რომ გაიკეთებს გადმოდგი ცეცხლიდან და ცხელსვე დაუმატე კარაქი. დააფარე პარკი და დატოვე სანამ არ გაგრილდება. გარეცხე მარწყვი და გააშრე ხელსახოცზე.  ცივი კრემი გათქვიფე  მიქსერით 3-4 წუთის განმავლობაში და დაუმატე დაჭრილი მარწყვი.

ცომი გააბრტყელე, გადაიტანე ლანგარზე, დავჩხვლიტე ჩანგლით და გამოაცხვე 180 გრადუსზე გაოქროსფერებამდე.

კრემი მოაქციე ორ ფირფიტას შორის, მოაყარე შაქრის ფხვნილი, მოალაგე მარწყვი. ცოტა ხნით მოათავსე მაცივარში რომ დაჭრა გაგიადვილდეს და მიირთვით გემრიელად.