ჩვენს შესახებ
გამოიწერე
ძირი:
300 გ ორცხობილა
120 გ კარაქი
ჩატკეპნე ფორმის ძირზე და მოათავსე საყინულეში 10 წუთით.
სუფლე:
1 კგ მაღალცხიმიანი იოგურტი
1 ქილა შესქელებული რძე
1 ქილა მოხარშული შესქელებული რძე
ვანილი
გააერთიანე ყველა ინგრედიენტი და დაუმატე გამდნარი ჟელატინი. მიღებული მასა დაასხი გამაგრებულ ძირს.
ჟელატინი:
25 გ ჟელატინი
100 მლ ოთახის ტემპერატურის წყალი
ჟელატინს დაასხი წყალი და გააჩერე 10 წუთით ასაფუებლად. როდესაც წყალს სრულად შეიწოვს, დადგი ორთქლის აბაზანაზე და გაადნე თხევად მასად.
კარამელი:
120 გ შაქარი
50 გ კარაქი
150 გ ცხელი ნაღები (20%-იანი ან მეტი)
მწიკვი მარილი
ტაფაზე მოაყარე შაქარი და დადგი დაბალ ცეცხლზე. სრულად გადნობამდე არ მოურიო, რათა არ დაკრისტალდეს და არ დაიწვას. გადნობის შემდეგ დაამატე კარაქი, ხოლო კარაქის გადნობის შემდეგ — ცხელი ნაღები და მუდმივად ურიე.
გააციე კარამელი და გადაასხი გამაგრებულ სუფლეს. სურვილისამებრ, ზემოდან გადაასხი შოკოლადიც. შედგი მაცივარში მინიმუმ 4 საათით, რათა დესერტი კარგად დასტაბილურდეს.
დესერტისთვის საჭირო ინგრედიენტებს სხვაზე იაფად ლიბრეში შეიძენ.
