ჩვენს შესახებ
გამოიწერე
სომხური ქადა ფხვიერი ცომით, ნიგვზიანი გულსართითა და სასიამოვნო ვანილის არომატით - გემრიელი დესერტი ჩაისა თუ ყავასთან ერთად.
ინგრედიენტები:
ცომისთვის
500 გ ფქვილი
250 გ კარაქი
250 გ არაჟანი
1 ჩ/კ სოდა
გულსართისთვის:
200 გ მოხალული ფქვილი
300 გ შაქარი
ვანილი
150 გ კარაქი
300 გ გატარებული ნიგოზი
2 კვერცხის ცილა
თავზე გადასასმელად
კვერცხის გული
რძე
მომზადების წესი:
კარაქი და ფქვილი ხელით გააფხვიერე. დაუმატე სოდით გააქტიურებული არაჟანი და მოზილე ელასტიური ცომი. გადააკარი საკვები პარკი და 30 წუთით მაცივარში მოათავსე.
გულსართისთვის ფქვილი მოხალე და გააგრილე. დაუმატე შაქარი, რბილი კარაქი, ვანილი, გატარებული ნიგოზი და კვერცხის ცილა. მიღებული მასა ხელით კარგად გააფხვიერე.
ცომი და გულსართი ორ თანაბარ ნაწილად გაყავი. ცომი გააბრტყელე, გადაანაწილე გულსართი, გადაახვიე და სასურველი ზომის ნაჭრებად დაჭერი.
ქადებს თავზე კვერცხის გულისა და რძის ნაზავი გადაუსვი და 180°C-ზე 30–35 წუთის განმავლობაში გამოაცხვე.
