ჩვენს შესახებ
გამოიწერე
თუ კლასიკური ტირამისუს განსხვავებული ინტერპრეტაცია გსურს, პინა კოლადას არომატებით მომზადებული ეს დესერტი აუცილებლად უნდა სცადო. კრემ-ყველის, ანანასისა და ქოქოსის შეხამება დესერტს ტროპიკულ გემოსა და ნაზ ტექსტურას ანიჭებს.
ინგრედიენტები
400 გ კრემ-ყველი
200 გ არაჟანი
150 გ შესქელებული რძე
ვანილი
4 ს/კ ქოქოსის ფანტელი
ანანასის კონსერვი
სავოიარდის ორცხობილა
რაფაელო ან მსგავსი ქოქოსის შოკოლადი (გასაფორმებლად)
მომზადების წესი:
ჯამში გააერთიანე კრემ-ყველი, არაჟანი, შესქელებული რძე, ვანილი და ქოქოსის ფანტელი. ყველაფერი კარგად ათქვიფე ერთგვაროვანი კრემის მიღებამდე და შედგი მაცივარში 20-30 წუთით.
ანანასის კონსერვიდან გადაწურე წვენი და შეინახე. ანანასი პატარა კუბებად დაჭერი.
ფორმის ძირზე თხლად გადაანაწილე კრემის პირველი ფენა. სავოიარდის ორცხობილები მსუბუქად დაასველე ანანასის წვენში და დაალაგე ფორმაში. ზემოდან გადაანაწილე კრემის ნაწილი, მოაყარე ქოქოსის ფანტელი და დაამატე დაჭრილი ანანასი.
შემდეგ ისევ დაალაგე ანანასის წვენში დასველებული სავოიარდის ორცხობილები, გადააფარე დარჩენილი კრემი და ზემოდან მოაყარე ქოქოსის ფანტელი.
დესერტი გააფორმე რაფაელოს ან სხვა ქოქოსის შოკოლადით, შედგი მაცივარში რამდენიმე საათით, რათა კარგად შეიკრას, შემდეგ კი მიირთვი.
ტირამისუს მოსამზადებლად საჭირო ყველა ინგრედიენტი სხვაზე იაფად ლიბრეში შეიძინე.
