ჩვენს შესახებ
გამოიწერე
რბილი, ფუმფულა და არომატული ქიშმიშიანი ფუნთუშები ზუსტად იმ გემოს დაგიბრუნებს, რომელიც ბავშვობას გახსენებს. ამ რეცეპტში გამოყენებულია Lovege-ის ნუშის რძე, რომელიც ცომს განსაკუთრებულ სინაზეს ანიჭებს.
ინგრედიენტები:
4 კვერცხი
170 გ შაქარი
500 მლ Lovege-ის ნუშის რძე
1 ჩ/კ მშრალი საფუარი
2 გ ვანილი
850-900 გ ფქვილი
170 გ კარაქი
ქიშმიში (სასურველი რაოდენობით)
მოცემული ინგრედიენტებით დაახლოებით 18 საშუალო ზომის ფუნთუშა მზადდება.
მომზადების წესი:
კვერცხი და შაქარი კარგად ათქვიფე. ნუშის რძე ოდნავ შეათბე (არ გააცხელო), გახსენი მასში საფუარი და შეურიე კვერცხისა და შაქრის მასას.
დაუმატე ვანილი, შემდეგ კი გაცრილი ფქვილი და მოზილე რბილი ცომი. ბოლოს შეაზილე ოთახის ტემპერატურის კარაქი და კარგად გადაზილე, სანამ ცომი ერთგვაროვანი და ელასტიკური გახდება.
ცომი დააფარე და თბილ ადგილას გააჩერე, სანამ მოცულობაში გაორმაგდება.
ამ დროს ქიშმიშს დაასხი მდუღარე წყალი, გააჩერე რამდენიმე წუთით, გადაწურე და გააშრე. ამოფუებულ ცომს შეურიე ქიშმიში.
ზეთიანი ხელით გააკეთე პატარა გუნდები, დაალაგე ცხიმწასმულ საცხობ ფორმაზე და სურვილისამებრ კიდევ ერთხელ გააჩერე 15-20 წუთით.
გამოაცხვე წინასწარ გახურებულ ღუმელში, სანამ ფუნთუშები ოქროსფერ შეფერილობას არ მიიღებს.
ქიშმიშიანი ფუნთუშებისთვის ყველა საჭირო ინგრედიენტი ლიბრეში დაგხვდება
