შემოდგომასთან ერთად იცვლება არა მხოლოდ ამინდი, არამედ ყოველდღიური მენიუც. გრილ დღეებში უფრო ხშირად გვინდება თბილი, ნოყიერი კერძები, სეზონური ხილ-ბოსტნეული კი საშუალებას გვაძლევს ნაცნობ რეცეპტებს განსხვავებული გემო შევძინოთ.
გოგრა, კარტოფილი, სტაფილო, სოკო, ვაშლი და სხვა სეზონური პროდუქტები შეგიძლია გამოიყენო, როგორც სწრაფი სადილისა და ვახშმისთვის, ისე რამდენიმე დღის მენიუს წინასწარ დასაგეგმად.
თუ ხშირად ფიქრობ - „რა მოვამზადო დღეს?“, გიზიარებ 7 მარტივ იდეას შემოდგომის ყოველდღიური მენიუსთვის.
 

🎃 1. გოგრის კრემ-სუპი
 

გოგრა ერთ-ერთი ყველაზე მრავალმხრივი საშემოდგომო პროდუქტია. კრემ-სუპისთვის შეგიძლია შეუხამო სტაფილო, ხახვი და კარტოფილი, მოხარშვის შემდეგ კი ყველაფერი ერთგვაროვან მასად დააბლენდერო. უფრო კრემოვანი ტექსტურისთვის დაუმატე ცოტაოდენი ნაღები და მიირთვი გახუხულ პურთან ერთად, სერვირებისას არ დაგავიწყდეს „პიონტნიცას“ არაჟნის გამოყენებაც, რომელიც კიდევ უფრო საინტერესო გემოს მატებს კერძს. 
 

🥔 2. ღუმელში გამომცხვარი კარტოფილი და სტაფილო
 

იმ დღეებისთვის, როდესაც სამზარეულოში დიდი დროის გატარება არ გსურს, ერთ-ერთი ყველაზე მარტივი გამოსავალი ღუმელში მომზადებული ბოსტნეულია.
„ვეგოლას“ დაფასოებული კარტოფილი და სტაფილო დაჭერი სასურველ ზომაზე, დაუმატე ზეთი, სანელებლები და მწვანილი და გამოაცხვე. შეგიძლია მიირთვა როგორც ცალკე კერძი, ისე ხორცის, თევზის ან სხვა მთავარი კერძის გარნირად.
„ვეგოლას“ კარტოფილი 1.5, 2.5 და 5 კგ-იან შეფუთვებშია, ამიტომ შეგიძლია საჭირო რაოდენობა საყიდლებისასვე შეარჩიო - პროდუქტის ცალკე აწონვაც აღარ დაგჭირდება და შოპინგიც უფრო მარტივი და კომფორტული იქნება. 
 

🍝 3. პასტა ზეთისხილითა და ბოსტნეულით
 

სწრაფი ვახშმისთვის პასტა განსაკუთრებით პრაქტიკული არჩევანია. მოამზადე სასურველი ფორმის მაკარონი და შეუხამე პომიდორი, ბულგარული წიწაკა, მწვანილი და Liberitas-ის მწვანე ან შავი ზეთისხილი.
ზეთისხილი კერძს დამატებით გემოსა და ტექსტურას შემატებს. სურვილის შემთხვევაში შეგიძლია ყველიც დაუმატო და რამდენიმე ინგრედიენტით სრულყოფილი ვახშამი მოამზადო.
 

🍄 4. სოკო კარტოფილთან ერთად
კარტოფილისა და სოკოს კომბინაცია შემოდგომის მენიუსთვის კიდევ ერთი მარტივი იდეაა. შეგიძლია ორივე ერთად ღუმელში გამოაცხო ან ტაფაზე მოამზადო ხახვთან და მწვანილთან ერთად.
თუ რამდენიმე დღის პროდუქტებს წინასწარ ყიდულობ, „ვეგოლას“ 2.5 ან 5 კგ-იანი კარტოფილის შეფუთვა საშუალებას გაძლევს ერთი პროდუქტი სხვადასხვა კერძში გამოიყენო - დღეს სოკოსთან, შემდეგ კი სუპში, გარნირად ან სხვა კერძისთვის.
 

🥗 5. თბილი სალათა კარტოფილითა და ზეთისხილით
 

სალათა მხოლოდ ზაფხულის კერძი არ არის. შემოდგომისთვის შეგიძლია მისი უფრო თბილი ვერსია მოამზადო: მოხარშულ ან ღუმელში გამომცხვარ კარტოფილს დაუმატე Liberitas-ის ზეთისხილი, მწვანილი, ბოსტნეული და სასურველი ყველი.
ასეთი სალათა შეგიძლია დამოუკიდებელ მსუბუქ კერძადაც მიირთვა ან ძირითად კერძს შეუხამო.
 

🥕 6. ბოსტნეულის კრემ-სუპი
 

თუ მაცივარში რამდენიმე სახეობის ბოსტნეული დაგიგროვდა, ერთ-ერთი ყველაზე მარტივი გამოსავალი კრემ-სუპია. გამოიყენე „ვეგოლას“ სტაფილო და კარტოფილი, დაუმატე ხახვი, სურვილის მიხედვით გოგრა ან სხვა ბოსტნეული და სანელებლებით დააბალანსე გემო.
ეს კარგი გზაა ერთი კერძისთვის რამდენიმე სხვადასხვა ბოსტნეულის გამოსაყენებლადაც.
 

🍎 7. გამომცხვარი ვაშლი მარტივი დესერტისთვის
 

შემოდგომის მენიუ დესერტის გარეშეც არ დავტოვოთ. ვაშლს ამოუღე შუაგული, დაუმატე დარიჩინი და სურვილის მიხედვით მცირე რაოდენობით თხილეული, შემდეგ კი ღუმელში გამოაცხვე.
მიირთვი დამოუკიდებლად ან იოგურტთან ერთად, თუ სიტკბო საკმარისი არ ექნება ვაშლს, შეგიძლია დაუმატო თაფლი - მარტივი დესერტია, რომლის მოსამზადებლად ბევრი ინგრედიენტი არ დაგჭირდება.

დაგეგმე რამდენიმე კერძი ერთი გასვლით
 

შემოდგომის მენიუს დაგეგმვისას ეცადე პროდუქტები არა მხოლოდ ერთი კონკრეტული კერძისთვის შეარჩიო. მაგალითად, კარტოფილი შეიძლება გამოიყენო სუპში, თბილ სალათში, სოკოსთან ან გარნირად; სტაფილო - კრემ-სუპში, ღუმელში გამომცხვარ ბოსტნეულში ან სხვა კერძების ინგრედიენტად; ზეთისხილი კი პასტას, სალათებსა და სხვადასხვა წასახემსებელს შეუხამო.
ასე ერთი შოპინგით რამდენიმე დღის მენიუს დაგეგმვაც უფრო მარტივი ხდება.
„ვეგოლას“ დაფასოებული კარტოფილი და სტაფილო, Liberitas-ის მწვანე და შავი ზეთისხილი, სეზონური ხილ-ბოსტნეული და შემოდგომის კერძებისთვის საჭირო სხვა პროდუქტები ლიბრეში დაგხვდება, თან სხვაზე იაფად.