ჩვენს შესახებ
გამოიწერე
კიტრი-პომიდვრის სალათა ნიგვზითა და კახური ზეთით, ხრაშუნა ჭვიშტართან ერთად, ქართული სამზარეულოს ერთ-ერთი ყველაზე გემრიელი და ტრადიციული შეხამებაა. ეს რეცეპტი მარტივად მზადდება და იდეალურია როგორც სადილისთვის, ისე ვახშმისთვის.
ჭვიშტარისთვის დაგჭირდება
500გ მჭადის ფქვილი
500გ იმერული ყველი
თბილი წყალი (იმდენი, რამდენსაც ცომი შეიზელს)
ზეთი შესაწვავად
სალათისთვის დაგჭირდება
ვარდისფერი პომიდორი
კიტრი
წითელი ხახვი
ძმარი
კახური ზეთი
მარილი გემოვნებით
გატარებული ნიგოზი
მომზადების წესი
მჭადის ფქვილს ნელ-ნელა დაუმატე თბილი წყალი და მოზილე რბილი ცომი. შეურიე გახეხილი იმერული ყველი, მოამზადე სასურველი ზომის ჭვიშტარი და შეწვი გახურებულ ზეთში ორივე მხრიდან, სანამ ოქროსფერი არ გახდება.
სალათისთვის ვარდისფერი პომიდორი, კიტრი და წითელი ხახვი დაჭერი სასურველ ზომებად. დაუმატე გატარებული ნიგოზი, შეაზავე კახური ზეთით, ძმრითა და მარილით, შემდეგ კი კარგად აურიე.
მიირთვი ახლად მომზადებული სალათა ცხელ, ხრაშუნა ჭვიშტართან ერთად.
„ვეგოლას“ კიტრსა და ვარდისფერ პომიდორს, ასევე სალათისთვის საჭირო ყველა სხვა ინგრედიენტს ლიბრეში შეიძენ.
