ინგრედიენტები:

5ც. კვერცხი

550 გ შაქარი

250 გ კარაქი

500 მლ რძე

1200 გ ფქვილი

200 გრ არაჟანი

50 მლ ზეთი

4 გ ვანილინი

1 ჩ/კ ილი ( არა სავსე ჩაის კოვზი - ყველა სუნელი)

1 ჩ/კ მიხაკი

1 ჩ/კ დარიჩინი

1/2 ჩ/კ მუსკატი

18 გ საფუარი

მწიკვი მარილი

1ც. ლიმონის ცედრა

150 გ ქიშმიში

მომზადების წესი:

საერთო ინგრედიენტებიდან აიღე ნახევარი რძე რომელსაც ისე უნდა გააცხელო, რომ თითზე ოდნავ გრძნობდე, დაამატე 2 ს/კ ფქვილი, 2 ს/კ შაქარი და საფუარი, დაელოდე გააქტიურებას.

ათქვიფე კვერცხი და შაქარი, დანარჩენი რძე გააცხელე და დაამატე ცედრა და სუნელები. გახსენი კარგად და დაამატე კვერცხის მასას, დაუმატე არაჟანი, დარბილებული კარაქი, საფუარი და ბოლოს ფქვილი.

ამოაფუე, შემდეგ დაუმატე ფქვილში ამოვლებული ქიშმიში, გადაიტანე ფორმებში და კვლავ ამოაფუე. ყველა ფორმაში მოათავსე დაახლოებით 100 -150 გრამით მეტი.

გაითვალისწინე, ყველა ინგრედიენტი უნდა იყოს ოთახის ტემპერატურის.

ცომი უნდა იყოს მოზელვის  დროს თბილი.

გამოაცხვე 170 გრადუსზე მხოლოდ ქვედა წვაზე.  მზაობას შეგიძლია შეამოწმო ჩხირით, თავზე დასაწითლებლად ბოლოს ჩაურთე ზედა წვა.